RARIE 9A: Dutnjien gie oktegh maanatjinie

Maanatjinie gïerve tsiehkieh båetieh gåessie datne maahtah dåarjoem jïh viehkiem daarpesjidh. Dannasinie vihkeles jïh jearmijes jeatjah almetjidie maehtieh viehkiehtidh. Maahta buerie voelph jïh fuelhkie årrodh jallh eejhtegh seamma tsiehkesne goh datne. Gååvnese aaj voenges siebrieh Aleneforeldreforeningen / Oktegseejhtegesiebrie gusnie dovne geerve almetjh jïh maanah maehtieh gaavnedidh. Vihkielommes datne almetjigujmie ektesne gïeh datne lyjhkh jïh jearsoes årroeh.

Jis maanetje edtja bööremes evtiedidh goh gåarede, dellie daarpesje jienebigujmie årrodh enn ajve tjidtjine jallh aehtjine. Maanetje daarpesje datnem vuejnedh mubpiej ektine juktie jïjtje maahta aktivyöki barkoem lïeredh. Akte båeries afrijkanen dïejvese jeahta abpe voene daerpies jis edtja maanetjem bijjiedidh. Nov gujht dïhte ånnetji garmerde, men nov gujht mij akt saetnies. Akte hijven ektiedimmie jeatjebigujmie sæjhta vïedteldihkie nænnoestehtedh dov jïh maanan gaskem - jïh maanan jïh mubpiej gaskem.

Aahka / aajjah, dov jïjtse åerpenh jïh jeatjah fuelhkie maehtieh vierhtie årrodh maanatjasse jïh vihkeles dåarjoe dutnjien. Ektiedimmie slïektigujmie maahta meatan årrodh hijven ektiedimmieh jïh hijven dååjrehtimmieh maanatjasse vedtedh.

Jeanatjommes almetjh leah sosijaale jïh mubpiej ektine tråjjadieh. Såemies veanhta aaj akte dejstie fåantojste mannasinie hijven jieliedisnie lea gosse hijven relasjovnh åtna, jallh dah buektiehtieh voelph skååffedh jïh dejtie utniehtidh .

Dov vuekie jeatjah almetjigujmie årrodh sæjhta joekoen vihkeles årrodh dov maanetjen evtiedæmman. Jis datne bielie aktede jearsoes jïh hijven ektievoeteste dellie dov maanetjem jïh datnem nænnoestahta. Mujhtieh - datne dïhte ellen vihkielommes almetje dov maanetje åtna. Dan tjïrrh maanetje leara maam sæjhta jiehtedh hijven relasjovnine årrodh jïh aaj maam akt guktie edtja mubpide gïetedidh. Datne leah uvtemes maanan sosijaale lïerehtæjja. Dïhte maanetje mij edtja båetedh jallh lea båateme edtja ånnetji ånnetji lïeredh sosijaale sjïdtedh, guktie edtja dåemiedidh jïh jeatjah almetjigujmie årrodh.

Mijjieh maehtebe badth haarjanidh dïsse mïsse mijjieh veeljebe tsåatskelesvoetem jieliedisnie vedtedh. Jis datne leah oktegh maanine dellie joekoen vihkeles datne daajrah ahte ektesne årrodh jeatjah almetjigujmie jïh dov maanajgujmie lea hijven maanan evtiedæmman.

Jïjnjh almetjh dov bïjre sijhtieh maaje dåarjoehtæjjine årrodh dovne dutnjien jïh dov maanan åvteste. Jis datne aktem hijven nedteviermiem åadtjoeh, dle aelhkebe sjædta viehkien mietie gihtjedh gosse dam daarpesjh. Gosse slïedte datnem fïerhten biejjien daarpesje, maahta hijven årrodh naan gihtjedh jis viehkiem åadtjodh, vuesiehtimmien gaavhtan nahkestidh jallh lïegkestidh. Gosse slïedte båarasåbpoe sjædta, dellie hijven ånnetji geerveastoem åadtjodh jïh batterijidie laadtedh, jeatjah impulsh jïh dååjrehtimmieh åadtjodh .

Jis edtja dam buektiehtidh, dle joekoen vihkeles jis dov maanetje jearsoes sjædta jis maanageehtijinie orre. Jis naakenem damta gie maanam seamma aalterisnie åtna, maahta maanese stååkedimmievoelpem vedtedh. Dagke dijjieh aaj maehtede sinsitniem viehkiehtidh maanide geehtedh, guktie såemies aejkien jijtje frïjje-iehkedi åadtjode. Vaarredh, prïhtjhgåetesne jallh naan tæjmoeh jïjtje gåetesne maahta hijven årrodh akten fuehpies aarkebiejjien.

Jïjnjh healsoejarngh soptsestimmiedåehkieh faelieh mah joekoen dejtie gïeh oktegseejhtegh. Desnie maahtah aaj jeatjebigujmie soptsestidh gïeh seamma tsiehkesne goh datne. Naan healsoejarngh jeatjah faalenassh aaj utnieh mah maehtieh aevhkine årrodh - vuesiehtimmien gaavhtan dåehkieh mejtie edtjieh vaarjoeh jïh tjåenieh målsodh, jïh dåehkieh ovmessie darjoemidie ålkone jïh gåetesne.

Maahta hijven viehkine årrodh jis daamhtaj healsoejarngem gaskesadta. Daesnie healsoeskïemtjesåjhterh, tsegkietnieh jïh dåakterh gaavnh mah dååjrehtimmiem utnieh dej tsiehkiej bïjre datne goh oktegseejhtege maahtah dååjredh. Dah aaj maehtieh datnem viehkiehtidh jeatjah aatigujmie mejtie onterdh.